Motrat Kardashian-Jenner janë vënë sërish në qendër të kritikave dhe talljeve në internet pasi kanë dështuar sërish me “Photoshop”-in teksa pozuan për sezonin e ri të “Keeping Up With the Kardashians”. Duket se yjet e “reality-show”-t kanë edituar në mënyrën më të dukshme dhe amatore foton e postuar dhe ndjekësit dalluan disa gabime të pafalshme.
Fillimisht ndjekësit vunë re se pjesa e poshtme e trupit të Khloes mungonte, ndërsa ajo që shkaktoi më shumë të qeshura ishte fakti që Kourtneyt i kishin shtuar një gisht të gjashtë.
“Ku është gjysma e trupit të Khloe-s?”, ishte një nga pyetjet më të shpeshta.
Gjithashtu ndjekësit e familjes së njohur shkruan se një nga gjunjët e Kendall Jennder ishte edituar plotësisht, ndërsa beli i saj ishte holluar aq shumë sa kishte ndryshuar ngjyrën e fustanit që modelja mbante veshur.
63-vjeçarja Kris Jenner dhe pesë vajzat e saj kishin zgjedhur ngjyrat që variojnë nga e bardha te e arta, ngjyra që theksojnë më shumë ndërhyrjet dhe editimet në fotografi. /Opinion.al
