Motra e tij kishte ndërruar jetë pas lindjes së fëmijës. Është kjo arsyeja e revoltës së 27-vjeçarit Musto Kapaj, i cili mbrëmjen e së shtunës tentoi të djegë me benzinë klinikën e gjinekologut Bejkush Shehaj, 64 vjeç.
Mëngjesin e së dielës, policia ka arrestuar 27-vjeçarin, ndërkohë që vetë gjinekologu ka rrëfyer për Report TV, arysen e konfliktit. Ai ka treguar se është hera e tretë që kërcënohet.
“Më parë i njëjti person ka tentuar të më qëlloi me thikë, ndërkohë që ka tentuar edhe herë tjetër me zjarr. “Motra e tij kishte lindjen e tretë me mua, herët e tjera çdo gjë kishte qenë normale, ndërsa herën e tretë pati komplikacione pas lindjes dhe ndërroi jetë”.
Për këtë arsye, sipas mjekut, personi nga Gjormi ka tentuar që t’i bëjë keq disa herë.
