Samantha Markle është në Angli dhe po përpiqet të takojë gjysmë-motrën e saj dukeshën Meghan Markle. Natyrisht është vazhdimisht duke u shfaqur në televizione, duke kërkuar momentet e saj të famës.
Në një pjesë në shfaqjen e Jeremy Vine, Samantha shprehu keqardhje për mënyrën se si ajo ka vepruar ndaj Meghanit. Ajo vendosi të kërkonte publikisht ndjesë për motrën e saj, e cila me siguri as që po e ndiqte.
“Ju e dini, unë mendoj se të gjithë u lënduam që nuk u përfshimë apo u ftuam në dasmë, por të gjithë vendosëm që të ecim përpara me pozitivitet. Besojeni apo jo, kjo nuk do të thotë që ne e duam më pak, thjesht mendoj se familjet mund të jenë në këtë mënyrë kur ka konfuzion dhe njerëzit janë lënduar. Unë dëshiroj që gjërat të jenë ndryshe”-shtoi ajo.
Kjo duket shumë e sinqertë prej saj por të gjitha ato që janë thënë publikisht nuk mund të kthehen mbrapsht. Njerëzit nuk i harrojnë./Opinion.al
