Koreja e Veriut kritikoi sot ashpër marrëveshjen e arritur nga Koreja e Jugut dhe SHBA për dërgimin e nëndetëseve bërthamore amerikane në Korenë e Jugut.
Diktatori Kim Jong-un nuk doli vetë, por nxorri të motrën të reagojë ashpër për marrëveshjen e arritur në Uashington më herët gjatë kësaj jave, mes presidentëve Joe Biden dhe Jun Suk Jeol. Motra e diktatorit theksoi se marrëveshja mund të sjellë “rrezik edhe më serioz”.
Ndërkaq, Kim Jo-Jong shpërtheu në fyerje për presidentin amerikan Joe Biden.
“Presidenti Biden, 80 vjeç, “nuk është në asnjë mënyrë në gjendje të marrë përsipër një përgjegjësi të tillë”, shtoi ajo, duke e quajtur atë “një plak pa të ardhme”. Do të jetë “shumë për të edhe të përfundojë dy vitet e mbetura në detyrë”, vazhdoi motra e Kim Jong-un, e cila po fyente edhe liderin e Koresë së Jugut.
Gjatë një vizite të presidentit të Koresë së Jugut, Yoon Sok-gil në SHBA, Uashingtoni dhe Seuli paralajmëruan Korenë e Veriut të mërkurën për çdo sulm me armë bërthamore, duke thënë se kjo do të çonte në një përgjigje që do të shihte “fundin” e regjimit të Phenianit.
