Koreja e Veriut ka paralajmëruar se do të përdorë armë bërthamore për të goditur Korenë e Jugut nëse kjo e fundit zgjedh provokimet.
Këtë gjë e ka deklaruar motra e liderit Kim Jong Un, Kim Yo Jong. Deklarata e saj vjen pasi ministri i mbrojtjes i Koresë së Jugut tha se ushtria e vendit të tij ka raketa që mund të godasin “me saktësi dhe shpejt çdo objektiv” në Korenë e Veriut.
Motra e Kim, tha se ishte një “gabim shumë i madh” i Suh Wook që bën komente të tilla.
Pheniani kundërshton luftën, e cila do ta kthente gadishullin në gërmadha dhe tha se nuk e sheh Korenë e Jugut si armikun e saj kryesor.
“Por nëse Koreja e Jugut, për ndonjë arsye , zgjedh për një veprim ushtarak si ajo që deklaroi z. Suh, situata do të ndryshojë. Në atë rast, vetë Koreja e Jugut do të bëhet një objektiv”,-zonja Kim.
Të dy vendet kanë rritur shfaqjet e fuqisë ushtarake këtë vit, me Korenë e Veriut që ka testuar një sërë raketash të fuqishme.
Zyrtarët në Korenë e Jugut dhe SHBA gjithashtu kanë frikë se Veriu mund të jetë duke përgatitur rifillimin e testeve të armëve bërthamore për herë të parë që nga viti 2017.
Të dielën, zyrtarët e Koresë së Veriut dënuan komentet e Suh dhe paralajmëruan se Pheniani do të shkatërronte objektivat kryesore në Seul, kryeqyteti i Jugut, nëse vendi do të ndërmerrte ndonjë “aksion të rrezikshëm ushtarak”./Opinion.al
