Motra e shqiptarit Dritan osmani, i cili u vra në vitin 2006 nga një këshilltar i Partisë Lega Nord në Itali kërkon 200 mijë euro dëmshpërblim.
Gentjana Kaja ka bërë padi në gjykatë për këtë çështje. Dritan Osmani u vra në Kastelnuovo në vitin 2006, pasi kishte hyrë në shtëpinë e Mikelanxhelo Ricit, ish-këshilltar komunal i Lega Nord.
Ky i fundit e ka qëlluar atë me armë zjarri pasi e ka pikasur. Ai sot është ende në proces gjyqësor për vrasjen, e cila sipas avokatëve të të ndjerit edhe mund të ishte shmangur.
Por e motra e viktimës, Gentjana Kaja kërkon dëmshpërblim nga autoritetet për vrasjen e të vëllasë.
Ngjarja ndodhi më 27 janar të vitit 2006. Rici dëgjoi disa zhurma natën vonë jashtë shtëpisë dhe pikasi Osmanin, të cilin mendohet se e ka qëlluar pa paralajmërim.
