Një aksident i rëndë ka ndodhur pak minuta më parë në qendër të Beratit, në rrugën që të çon drejt Stadiumit “Tomorri”, rreth 300 metra larg Drejtorisë së Policisë.
Sipas raportimeve një motor, duke ecur me shpejtësi, ka goditur një grua që sapo kishte dalë nga minimarketi dhe po kalonte rrugën.
43-vjeçarja me inicialet M.Ç., banuese në Berat është përplasur, ndërsa drejtuesi i mjetit ka përfunduar në anën tjetër të rrugës.
Mësohet se të dy të plagosurit janë dërguar në gjendje të rëndë dhe me fraktura në pjesë të ndryshme të trupit, drejt Spitalit Rajonal Berat, ku po marrin mjekimin e specializuar. Ndërkohë policia bën me dije se,drejtuesi i motorit, J.Sh, 35-vjeç, banues në fshatin Molisht të Beratit, është i ndaluar në spital ku përveçse po merr mjekimin e specializuar do merret në pyetje nga policia për ngjarjen.
Pas ekspertizës së kryer nga grupi hetimor, rezultoi se motori ecte me shpejtësi tejet normave të lejuara në këtë zonë të banuar, ndërkohë që edhe gruaja ka kaluar rrugën pa parë./Opinion.al
