Policia e Lezhës ka dhënë informacion zyrtar lidhur me ngjarjen e ndodhur sot në Tale, ku mbeti i plagosur një person me armë zjarri.
Sipas autoriteteve, konflikti ka nisur për shkaqe xhelozie. Pas përplasjes fizike, një nga personat ka përdorur dhe armë zjarri.
Autori pasi ka qëlluar me armë zjarri A.M, banues ne Zejmen, është larguar me makinë në drejtim të autostradës.
Më tej A.M., është dërguar në spital, raportohet se është jashtë rrezikut për jetën. Ndërkohë, Grupi hetimor ka sekuestruar në vendngjarje celularin e autorit dhe prova të tjera që do ti shërbejnë hetimit për dokumentimin ligjor të këtij rasti.
Njoftimi i policisë:
Lezhë/Informacion paraprak
Rreth orës 13:30, në një zonë larg pushuesve në plazhin Tale, dyshohet se pas një konflikti për motive të dobta mes dy shtetasve,(motive xhelozie) ka mbetur i plagosur me armë zjarri jashtë rrezikut për jetën shtetasi A.M, banues ne Zejmen Lezhë.
Autori i ngjarjes pasi ka kryer plagosjen, është larguar me një automjet në drejtim të autostradës.
Shërbimet e Policisë kanë shkuar menjëherë në vendin e ngjarjes dhe vijojnë punën për kapjen e autorit I cili është i identifikuar nga ana e Policisë.
Grupi hetimor ka sekuestruar në vendngjarje celularin e autorit të dyshuar dhe prova të tjera që do ti shërbejnë hetimit për dokumentimin ligjor të këtij rasti.
Për shkak të rrethanave të hetimit nuk jepen të dhena të tjera.
Grupi hetimor nën drejtimin e Prokurorit po vijon veprimet hetimore për sqarimin e rrethanve dhe dokumentimin ligjor të rastit.
