Moti në vendin tonë sipas MeteoAlb gjatë ditës së sotme do të jetë deri në mesditë në ndikimin e kthjellimeve dhe vranësirave të shpeshta. Orët e mesditës do të sjellin zhvillim të vranësirave konvektive duke rrezikuar shira të dobët, më të dukshme në zonat veriore dhe qendrore të vendit.
Pjesa e dytë ditës do te vijojë me alternime kthjellimesh dhe vranësirash të herë pas herëshme në bregdet dhe zonat e ulta. Ndërsa zonat malore veriore si edhe zonat malore jugore do te jenë me vranësira dhe shira të izoluar.
Temperaturat e ajrit do të pësojnë 2 gradë rritje në vlerat mimimale ndërsa në vlerat maksimale do të ketë një rënie të lehtë të tyre.
Në Europë moti ditën e sotme do të jetë me masa ajrore të paqëndrueshme me origjinë oqeanike që do të kushtëzojnë mot me vranësira dhe shira në Europën qëndrore dhe zonën e alpeve. Po ashtu me vranësira dhe rrebeshe shiu do të vijojë moti për Europën Lindore si edhe një pjesë të gadishullit të Ballkanit.
Përsa i përket Europës veriore, gadishullit iberik, gadishullit skandinav dominante do të jenë kthjellimet dhe vranësirat kalimtare.
