Motit ditën e sotme, sipas qendrës së Sinoptikës MeteoAlb, do të dominohet në të gjithë vendin nga kthjellime dhe vranësira të cilat do të vijne duke u shtuar në zonat malore juglindore – verilindore.
Parashikohet pasditja e sotme të mbetet në ndikimin e motit të kthjellët dhe vranësirave të herëpasherëshme në zonat malore duke lënë ultësirën perëndimore në ndikimin e kthjellimeve dhe vranësirave të lehta.
Temperaturat e ajrit do të pesojnë rritje me 1 – 2 gradë si në vlerat minimale ashtu edhe në ato maksimale. Era do të fryjë mesatarisht me shpejtësi 38 km/h nga drejtimi verior dhe veriperëndimor, për pasojë në brigjet detare do të gjenerohet dallgëzim deri në 3 ballë.
Përsa i përket motit në Europë për ditën e sotme, e diela do të përshkohet nga një sistem i fuqishëm vranësirash që do të gjenerojë shira me intensitet të lartë në pjesën veriore të Europës si edhe vendet e Balltikut. Më problematike situata do të paraqitet në Suedi dhe Norvegji ku do të ketë rrebeshe.
Ndërsa, moti i kthjellët dhe temperatura relativisht të larta do të jenë prezent në pellgun e Mesdheut, gadishullin Iberik si edhe në vendet Perëndimore.
Ditën e hënë sipas MeteoAlb, deri në mesditë, i gjithë territori i vendit do të mbetet në ndikimin e kthjellimeve dhe vranësirave të lehta dhe kalimtare. Më të dukshme vranësirat do të paraqiten në zonat malore por kryesisht në veri të vendit.
Pjesa e dytë e ditës do të vijojë me të njejtat kushte atmosferike duke bërë që zonat malore të dominohen nga alternime kthjellimesh dhe vranësirash ndërsa bregdeti dhe zonat e ulta do të dominohet nga moti i kthjellët.
Temperaturat e ajrit do të rriten sërish gjatë orëve të mengjesit por edhe orët e mesditës do të sjellin rritje të tyre.
Era do të fryjë mesatare si në tokë dhe në det me shpejtësi 35 km/h nga drejtimi verior dhe veriperëndimor duke bërë që në det te ketë dallgëzim 3 – 4 ballë.
