“Në Shqipëri nuk ka vend për alarm”. Kështu shprehet meteorologia Tanja Porja e pyetur lidhur me situatën sinoptike në vend, pas reshjeve të dendura dhe stuhisë që preku Europën veriore, duke shkaktuar më shumë se 100 të vdekur, ndërsa numri i personave të humbur i kalon 1 mijë.
E pyetur nga Opinion.al, producentja e motit në A2, thotë se Shqipëria do të preket nga rrebeshe afatshkurtra të cilat në total sjellin rreth 60-65 mm shi në 24 orë.
“Shqiperia vijon të shtunen gjate natës dhe paraditen e së dieles me kthjellime dhe vranësira të shpeshta ne pjesen më të madhe të saj. Nuk mungojne rrebeshet e shkurtra në veri-verilindje, por vetem reshje të dobëta në zonat qendrore e lindore. Është pasditja e së dielës që sjell rrebeshe shiu në pjesën më të madhe të vendit, por serish me te fokusuara në veri-verilindje, ndersa bregdeti i Jonit do te ketë vetëm momente të shkurtra me shi. Problematike paraqitet era në bregdet ku dallgëzimi ngjitet në 4 ballë, përkundrejt dallgëve 6 ballë në det te hapur”, shprehet Porja. Sa i takon Europës, meteorologia pohon se do të jetë alarm i kuq për vende si Italia, Zvicra Jugore, një pjesë e Austrisë dhe Sllovenisë.
“Pas Holandës, Belgjikës dhe Gjermanise, stuhia ciklonare Frederik është vendosur në zonen e Alpeve të Europës duke sjellë erëra të forta të shkalles së tornadove me shpejtësi rreth 100 km/h dhe reshje intensive 120-150 mm në 24 orë, të cilat shkaktojnë në shumicen e rasteve përmbytje te menjëhershme dhe dalje të lumenjve të vegjël nga shtrati. Kjo stuhi, shoqëruar me rënie te menjëhershme të temperaturave krijon kushte optimale për stuhi te shpeshta breshëri me diametër 4-6 cm. Alarmi i kuq i takon Zvicres jugore, Austrisë Perendimore, Italise veriore dhe lugines së lumit Po, si dhe Sllovenise. Problematike sonte dhe të dielën paraqiten reshjet intensive të shiut dhe era e fortë në Kroacinë perendimore dhe pjesërisht veriu i Serbisë; situatë me e moderuar e motit pritet në Bosnje, Kosovë dhe Bullgari ndërsa Ballkani jugor ku mund të citojmë Malin e Zi, Kosovën, Maqedoninë Veriore dhe Greqinë ku reshjet janë rrebeshe afatshkurtra të cilat në sasi 24 orëshe nuk e kapërcejne 110 mm”, shprehet meteorologia./Opinion.al
(Zonat e kuqe me stuhi rrufesh dhe mundesi per bresher, te dielen pas mesdites)
