Moti për gjithë javën, ja si do të jenë temperaturat

Për ata që i vazhdojnë ende pushimet ka lajme të mira. Këto ditë të fundit të gushtit pritet të jenë të ngrohta dhe me temperatura relativisht të larta, të cilat do të arrijnë deri në 34 gradë celcius. Mesa duket gushti do të jetë deri në ditën e tij të fundit i ngrohtë dhe pa vranësira. Por ditët me diell duket se do të shoqërojnë edhe muajin shtator, ku do të kemi një ulje shumë të vogël të temperaturave, por për ata që dëshirojnë të pushojnë ende, mund ta vizitojnë fare mirë bregdetin në fundjavë pasi temperaturat do të variojnë nga 18-32 gradë celcius. Vjeshta e këtij viti duket se do të jetë e largët, pasi për disa javë do të shijojmë ende ditët e ngrohta me diell.