Largohet i nxehti, në pritje të shirave

Duke filluar që nga pasditja e sotme, vendi ynë do të pësojë ndryshime të ndjeshme të motit. Sipas qendrës së sinoptikës Meteoalb, duke filluar nga sot pasdite vendi do të përshkohet nga rrebeshe shiu, që do të jenë më të dukshme në zonat malore. Ndërsa në zonat bregdetare, duke ju referuar pjesës së dytë të ditës së sotme, moti do të vazhdojë të jetë i qëndrueshëm. Përsa i përket ditës së nesërme, pasditja, kryesisht në Jug të Shqipërisë në zonën e Vlorës, do të rrezikohet nga shira afat shkurtër.  Ndërkohë që më të dendur shirat do të paraqiten në juglindje të vendit. Po sipas Meteoalb, dita e dielë dhe e hënë do të sjellin rënie të temperaturave, por jo shumë të ndjeshme. Ndërkohë që ditën e martën pritet të ketë sërish shira. Po kështu fundjava do të përshkohet nga erë e fortë deri në 45 k/h si edhe det i trazuar me dallgë 4 ballë.