Pas tre ditëve me diell të kësaj jave duket se fundjava do të na sjellë surpriza të pakëndshme. Kështu metereologët për nesër (e shtunë) parashikojnë kthjellime dhe vranësira, temperatura të larta por erë shumë të fortë. Kujtojmë se dy javë më parë era e fortë shkaktoi dëme të shumta. Sende që binin nga lartësitë dhe vetrata që rrëzoheshin, ku për pasojë pati një viktimë në Vlorë.
Ndërsa për të dielën metereologët parashikojnë shi dhe rënie të temperaturave me 3-4 gradë celsuis.
Meteoalb në një status në facebook shkruan: E shtuna do të jetë me kthjellime dhe vranësira të shpeshta deri vonë në mbrëmje kur priten rrebeshe shiu në Veri dhe gradualisht gjatë natës, në të gjithë vendin. E diela, paraqitet me shira të përkohshëm deri vonë pasdite kur pritet përmirësim gradual i motit në pjesën më të madhe të territorit. Por shira afashkurtër mbeten prezente në zonat Perendimore
Temperaturat e ajrit rriten ndjeshem deri të shtunën duke shkuar në 27°C, por e diela, si pasojë e shirave në vend, sjell rënie të temperaturave me 3 – 4°C, në gjithe territorin.
Ndërsa metereologia Rezarta Xhakollari thotë se të shtunën era do të jetë me intesitet të lartë me drejtim Jugperëndim (SW) me shpejtësi 10-30 m/sek në bregdet. Valëzimi do të jetë i forcës 6 me lartësi vale nga 4,0 deri në 6,0 metër në det të hapur.
Temperaturat për ditën e shtunë
Zonat malore 4/23°C
Zonat e ulëta 9/26°C
Zonat bregdetare 10/26°C
/Opinion.al
