Gadishulli i Ballkanit do të ndikohet nga zonë e zgjeruar me presion të ulët atmosferik e cila do të kushtëzojë në vendin tonë dhe Kosovë mot të paqëndrueshëm.
E Mërkurë 21 Mars 2018
E Mërkurë, 21 Mars i gjithë vendi do të përfshihet sërish nga rreshje shiu me intesitet të lartë përgjatë ultësirës Perëndimore me aktivitet kryesor në orët e para të ditës. Në zonat malore në lartësitë 800 metra mbi nivelin e detit do të rikthehen rreshjet e borës. Era do të jetë me drejtim Jugperëndim (SW) me intesitet të lartë me shpejtësi 10-20 m/sek në bregdet. Valëzimi do të jetë i forcës 5 me lartësi vale 2,5 deri në 4,0 metër në det të hapur.
Temperaturat min dhe max
Zonat malore 0/10 °C
Zonat e ulëta 8/17°C
Zonat bregdetare 10/18 °C
***
Kosova per ditën e Mërkurë dt 21 Mars do të jetë me vranësira rreshje dhe rreshje bore. Temperaturat në ekstremet e tyre do të regjistrojnë vlera 1°C në mëngjes deri në deri në 7°C në mesditë.
***
E Enjte 22 Mars 2018
E Enjte dt 22 Mars vendi ynë do të ndahet në dy pjesë pra zona Perëndimore do të jetë me vranësira dhe rreshje shiu ku në Jug do të ketë dhe shkarkesa elektrike, ndërsa zona Verilindore dhe Juglindore do të jetë me rreshje bore. Era do të jetë me drejtim Verilindje (NE) me intesitet të lartë me shpejtësi 10-20 m/sek në bregdet. Valëzimi do të jetë i forcës 5 me lartësi vale 2,5 deri në 4,0 metër në det të hapur.
Temperaturat min dhe max
Zonat malore -2/7 °C
Zonat e ulëta 7/17°C
Zonat bregdetare 10/19 °C
Meteorologe: Rezarta Xhakollari
