Moti i keq dhe reshjet e dendura të shiut që përfshinë mbrëmjen e djeshme Durrësin kanë shkaktuar vonesa në nisjen e trageteve nga Durrësi drejt portit italian të Barit që prej mbrëmjes të së martës.
Sipas kapitenrisë së Portit detar të Durrësit, tragetet që do të niseshin nga ky port nuk mbërritën në kohë në brigjet italiane.
Dy tragete me nga 750 pasagjerë janë nisur me 5 orë vonesë.
Shkak për vonesat në nisje është bërë era e fortë dhe deti me dallgë.
Probleme janë hasur edhe në sektorin e peshkimit ku puna është pezulluar përkohësisht, ndërsa kushtet e motit janë drejt përmirësimit.
