Moti i keq ka përfshirë vendin, duke shkaktuar përmbytje dhe aksidente rrugore në disa zona.
Po ashtu, për shkak të kushteve të motit të keq, që përfshijnë erë të fortë dhe shi të pandërprerë, disa zona të Tiranës kanë përjetuar rënie të pemëve dhe degëve, duke bllokuar disa rrugë dhe duke shkaktuar vështirësi në qarkullim.
Lidhur me situatën, ka reaguar kryetari i bashkisë së Tiranës, Erion Veliaj. Në rrjetet sociale ai shkruan se ekipet e pastrimit janë duke punuar intensivisht për të pastruar rrugët dhe rikthyer normalitetin sa më shpejt.
Veliaj ka kërkuar nga qytetarët që të kufizojnë lëvizjet e panevojshme dhe të tregojnë kujdes të shtuar, veçanërisht në zonat ku janë shkaktuar dëme.
“Ju lutem, shmangni qarkullimin e tepërt dhe raportoni çdo problematikë që mund të hasni,” tha ai.
View this post on Instagram
