Disa fshatra në qarkun e Korçës kanë mbetur pa energji elektrike pas motit të keq që përfshiu ditën e sotme vendin tonë.
Mësohet se në Bashkinë e Korçës janë pa energji fshatrat e njësisë administrative Vithkuq, ndërsa në bashkinë e Maliqit njësia administrative Gore dhe disa fshatra të Njësisë Administrative Vreshtas e Libonik
Në bashkinë e Kolonjës pa energji elektrike janë fshatra të njësisë Administrative Leskovik, ndërsa në bashkinë e Pogradecit fshatra të Njësisë Administrative Dardhas.
Ndërkaq, sipas të dhënave deri tani nuk raportohet për probleme të tjera sa i përket rrugëve apo përmbytjeve.
