Lundrimi nga porti i Vlorës është pezulluar si pasojë e kushteve të motit.
Në një njoftim nga autoritetet e portit thuhet se nga kushtet e përkeqësuara të motit, trageti i linjës Vlorë-Brindisi ka qëndruar në Itali.
Lundrimi është pezulluar deri në datën 14 nëntor.
Ndërkohë, për shkak të motit me erë të fortë dhe detit me dallgë është pezulluar lundrimi edhe i mjeteve të tjera lundruese, duke u kërkuar të qëndrojnë të ankoruara në port.
Ndërsa varkat dhe peshkarexhat është kërkuar që të ankorohen në vendstrehime të sigurta. /Opinion.al
