Drejtoria e Përgjithshme Detare njofton se për rreth katër ditë lundrimi i mjeteve të vogla dhe anijeve të peshkimit do të pezullohet në bregdetin shqiptar. Shkak për këtë situatë është moti i keq me shpejtësi ere deri 35-45m/s dhe lartësi dallge nga 3.50 deri 4.50 metra. Sakaq, anijet e pasagjerëve do të vijojnë normalisht.
Pritet që të ketë një përmirësim të situatës në 12 shkurt.
Njoftimi i Drejtorisë së Përgjithshme Detare
Njoftim për kushtet hidrometeorologjike të përkeqësuara gjatë datave 09-10-11-12.02.2024 !
Në bazë të parashikimit për situatën hidrometeorologjike të përkeqësuar përgjatë bregdetit Shqiptar gjatë datave 09-10-11-12.02.2024 duke filluar nga ora 14:00 datë 09.02.2024 në drejtimin Jug-Jug-Lindje, Jug-Jug-Perëndim në forcën deri 8-9 deri 10bft me shpejtësi ere deri 35-45m/s dhe lartësi dallge nga 3.50 deri 4.50 metra.
Me qëllim parandalimin e çdo situate të papritur për shkak të kushteve atmosferike, kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gatishmërisë së ekuipazhit në mjetet lundruese.
????të ndalohet dhënia e leje – nisjes gjatë datave 09-10-11-12.02.2024 duke filluar nga ora 14:00 datë 09.02.2024 për të gjitha mjetet e vogla lundruese, anijeve të peshkimit që operojnë përgjatë bregdetit shqiptar dhe të jenë njoftuar për marjen e masave për sigurimin e tyre.
Anijet e transportit ndërkombëtar detar për pasagjerë dhe automjete momentalisht do të vazhdojnë të operojnë normalisht sipas destinacioneve përkatëse, nëse do të ketë ndryshime oraresh apo ndërprerje të lundrimit do të njoftojmë .
Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 06:00 të datës 12.02.2024″
