Tre persona kanë humbur jetën pas motit të keq që ‘pushtoi’ Vietnamin qendror dhe verior, duke përmbytur shtëpitë dhe rrugët.
Mediat e huaja shkruajnë se policia dhe ushtria janë mobilizuar për të shpëtuar njerëzit nga zonat me rrezik të lartë.
Një grua dhe një djalë 13-vjeçar u gjetën të vdekur në provincë pasi u përfshinë nga rrymat e forta të ujit.
Qindra shtëpi, të korra dhe pjesë të autostradës kombëtare dhe hekurudhës, që lidh veriun me jugun e Vietnamit, janë zhytur në ujërat e përmbytjeve. Në provincën veriore të Cao Bang, e cila kufizohet me Kinën, një burrë u vra kur një pemë e madhe ra mbi shtëpinë e tij në shi të dendur.
Vietnami shpesh goditet nga moti i ashpër në sezonin e shirave midis qershorit dhe nëntorit.
Fatkeqësitë natyrore, përfshirë përmbytjet dhe rrëshqitjet e dheut, që kanë lënë 136 të vdekur ose të zhdukur në vend që nga fillimi i vitit, sipas Zyrës së Përgjithshme të Statistikave.
Më shumë se 21,000 shtëpi janë dëmtuar, me më shumë se 140,000 hektarë të mbjella të shkatërruara.
Shkencëtarët kanë paralajmëruar se ngjarjet ekstreme të motit globalisht po bëhen më intensive dhe të shpeshta për shkak të ndryshimeve klimatike./Opinion.al
