Reshjet e dëborës kanë përfshirë edhe qarkun e Shkodrës. Sipas asaj që raporton korrespondentja e Klan News Emi Kalaja në akset e Lotit 1, Hani Hotit-Tamarë, Tamarë-Vermosh dhe Bogë-Theth aktualisht reshjet e borës kanë pushuar.
Ndërkohë bëhet e ditur se rrugët janë të pastruara dhe të kriposura vazhdimisht. Qarkullimi i mjeteve në këto akse kryhet pa ndërprerje.
Situata e motit në Shkodër:
Nga DRV Shkodër informohemi se akset rrugore që mbulon kjo drejtori janë të qarkullueshme. Në të gjitha akset në zonat malore ka prani të dëborës dhe erë të fortë.
Kontraktorët janë në gadishmëri me mjete dhe punëtorë për pastrimin dhe kriposjen e rrugëve. Qarkullimi i automjeteve në zonat malore duhet të kryhet me goma dimërore.
Nga bashkia Shkoder, informohemi se kemi reshje dëbore dhe tempratura të ulta në zonat malore.
Aksi rrugor Boge – Breg Lumit eshte i kalueshëm. Nj.A. Shale dhe Shosh janë pa Energji Elektrike.
Aksi rrugor Kire – Shosh është i bllokuar si pasojë e shembjeve të dherave edhe të reshjeve të Borës.
Nga bashkia Malësi e Madhe, deri në këto momente nuk raportohen probleme të EC.
Nga bashkia Vau Dejes , informohemi se kemi mungesë të furnizimit me energji elektrike ne Nj.A. Vau Dejes, Hajmel, Vig Mnele, Temal dhe Shllak.
Nga bashkia Puke, trashësia e dëborës arrin deri në 5 cm, nuk raportohen probleme te EC.
Nga bashkia Fushë Arrëz, informohemi se vazhdojnë reshjet e dëborës të shoqëruara edhe me era të fuqishme, ku deri tani trashësia e dëborës i kalon 20 cm, rrugët nacionale janë të hapura por qarkullimi bëhet me zinxhir, ndërsa rrugët rurale që lidhin bashkinë Fushë-Arrëz me Nj.A. Iballe dhe fshatrat rreth saj deri në Fierzë janë të bllokuar. Gjithashtu ka probleme me furnizimin me energji elektrike në Nj.A. Qafe-Mali, Iballe dhe Blerim.
Nga OShE informohemi se ka problem vetëm në fidrat në zonën e Vaut Dejes në të cilën një pjesë është riparuar dhe po vazhdon puna, në gjithë zonat tjera nuk kemi probleme.
Situata e motit në Lezhë:
Në territorin e qarkut Lezhë, mbizotëron një mot i vrenjtur e me reshje me intensitet të ulët, ku sipas të dhënave të marra nga Stacioni Metereologjik Ushtarak, Gjadër, kanë rënë 10 mm shi, por në zonat mbi 200 m mbi nivelin e detit kanë filluar rreshjet e dëborës, të shoqëruara me erë të vrullshme me mbi 60 km/orë, me tendencë rritje.
Nga strukturat e MC të bashkisë Kurbin raportohet të ketë ndërprerje të shkurtëra të energjisë elektrike, si dhe grupet e punës së OSHEE dhe të bashkisë janë në terren për riparimin e defekteve që mund të shfaqen.
Nga strukturat e MC të bashkisë Lezhë raportohet të ketë ndërprerje të shkurtëra të energjisë elektrike, si dhe grupet e punës së OSHEE dhe të bashkisë janë në terren për riparimin e defekteve që mund të shfaqen.
Nga strukturat e MC të bashkisë Mirditë raportohet të ketë ndërprerje të shkurtëra të energjisë elektrike, si dhe grupet e punës së OSHEE dhe të bashkisë janë në terren për riparimin e defekteve që mund të shfaqen.
Në teritorin e Qarkut Lezhë nuk raportohet për akse rrugore të bllokuara nga dëbora, janë lajmëruar subjekte kontraktore të mirmbajtjet se akseve rrugore për përkeqësimin e motit, me qëllim që nga ana e tyre te marrin masat përkatëse.
Probleme të furnizimit me ujë të pishëm nuk ka. Kuota e lumit Drin e Mat vazhdojnë të jenë në nivele minimale. Hidrovorët janë në gadishmëri dhe vihen në punë sipas prurjeve të ujit në kanale.
/tvklan.al
