Dy të rinj janë gjetur pa jetë ditën e sotme në zonën e quajtur Maja e Pikave, në kufi me Komanin në Pukë. Ata banonin në fshatin Buzhalë, por sipas familjarëve, prej dy ditësh ishin në stan me bagëtitë.
Policia njofton se dy të rinjtë kanë rënë në greminë për shkak të motit të keq dhe erës së fortë. Ata janë T.Pjetri 20 vjeç dhe K.Maka 24 vjeç dhe janë gjetur rreth orës 14:00 pa jetë. Policia ndodhet në vendngjarje duke kryer hetimet e rastit.
I ftohti është rikthyer sot në Shqipëri, ku në disa zona temperaturat kanë shkuar në minus 11 gradë celsius, ndërsa dëbora ka shkaktuar bllokimin e rrugëve dhe probleme në fshatrat e thella./Opinion.al
