Probleme dhe përmbytje u shkaktuan nga moti i keq në Athinë dhe në zona të tjera të Greqisë, kryesisht në Evia, një zonë e prekur gjatë verës edhe nga zjarret. Shirat e shumtë prekën krahinën e Agia Anna, ku rrugët kryesore u shndërruan në lumenj, shtëpitë u përmbytën dhe probleme u raportuan në komunikacion me rruget e cara.
“Plazhet Anna dhe Achladi janë shkatërruar. Lumenjtë dhe uji hynë brenda shtëpive. Plazhi Achladi është kthyer në një lumë të gjerë. Lidhjet në të gjitha fshatrat janë ndërprerë. Situata është dramatike. Ne kemi qindra thirrje për largimin e ujit nga shtëpitë,” tha kryebashkiaku i Mantoudiou për mediat.
“Ne po përpiqemi të shohim nëse njerëzit janë mirë. Situata është e tmerrshme, sytë e mi nuk e kanë parë kurrë një situatë të tillë, as nuk kemi parë një ngjarje kaq tragjike me zjarret. E gjithë zona u bë lumë. Askush nuk ka fjetur. Me makineri të rënda ndërtimi po i nxjerrim njerëzit nga shtëpitë e tyre”, tregoi ai./Opinion.al
