Tre lojtarë të Erzenit kishin shkuar në Pukë për të luajtuar me Tërbunin, por kanë përfunduar në spital. Shkak për ndërprerjen e takimit dhe gjendjen jo të mirë të lojtarëve është bërë moti i keq me shi dhe erë të fortë.
Siç shihet edhe në fotot e Shqiptarja.com mes të shtruarve në spital është dhe shenuesi i njërit prej golave, Orjan Xhemalaj. Po kështu shtratin e spitalin e kanë zënë edhe Konduri me afrikanin Xhixhiua.
Lojtarët kanë marrë ndihmë mjekësore dhe gjendja e tyre është e mirë, ndërsa ende nuk ka një vendim se kur do të luhet pjesa e dytë e ndeshjes, e para përfundoi 1-2 për Erzenin.
