Ministrja e Mbrojtjes Xhaçka në një deklaratë për mediat tha se duhet të evitohen daljet e panevojshme nga shtëpia dhe drejtuesit e automjeteve duhet të përdorin zinxhirë.
“Akset rurale të bllokuara,janë zonat e thella në Shkodër, Korcë, Dibër, Kukës dhe Elbasan. Policia e përgjithshme dhe Forcate Armatosura janë në komunikim të vazhdueshëm me ARRSH. Mbi 2 mijë efektivë të fa dhe policisë së shtetit janë në dispozicion të qytetarëve. Helikopterët janë në dispozicion për çdo emërgjencë. I bëj thirrje firmave kontraktore në të gjitha bashkitë që të pastrojnë akset rrugore në afatet e duhura.
Situata pritet të jetë e njëjtë edhe për 24 orët e ardhshme. Shtimi i masave të kontrollit nga Policia e Shtetit, duhet të shoqërohet me kontrollin e automjeteve me tonazhe të larta. Të evitoni daljet e panevojshme nga shtëpia. Të telefonini me numrat e emergjencës 127, 129. Është detyrë kryesore e pushtetit vendor që të marrë masa për parandalimin e situatave të klrijuara nga moti i keq. Edhe ju drejtues përdorni zinxhirë gjatë qarkullimit rrugor”, u shpreh ajo ndër të tjera.
Dëbora e rënë mbrëmjen e kaluar në pjesën më të madhe të vendit, duke përfshirë edhe zonat e ulëta ka shkaktuar vështirësi në qarkullim.
Dëbora ka mbuluar Gjirokastrën, Korçën, Elbasanin, Dibren, Shkodren si dhe qytete të tjera të vendit. Në shumë qytete është pezulluar mësimi për ditën e sotme në të gjitha shkollat.
