Moti i keq vazhdon të marrë jetë njerëzish. Dy persona të braktisur kanë vdekur në Pogradec dhe Durrës.
Anastas Shuke, 38 vjeç, është gjetur i vdekur në banesën e tij në lagjen nr 10 të qytetit. Policia lokale thotë se ai me probleme mendore dhe jetonte i vetëm.
Ndërkohë, një tjetër viktimë është verifikuar po këtë të martë në Durrës. Bëhet fjalë për një grua që është gjetur e pajetë, edhe ajo në banesën e saj.
Ajo është identifikuar si shtetasja Shpresa Muça, 68 vjeç. Sipas fqinjëve të saj, ajo jetonte vetëm dhe vuante nga një sëmundje kronike.
Të martën, në qytetin e Korçës, policia lokale njoftoi se rreth orës 10:35 ishte gjetur një trup i pajetë. Efektivët kanë gjetur ambientet e një zdrukthëtarie 60-vjeçarin Ilia Lilo.
Të hënën në Lushnjë një roje pallati u gjet i ngrirë nga banorët. 52-vjeçari Bashkim Çepa nga Golemi, punonte në Lushnjë si roje pallatesh. Ishin banorët e pallatit ata që njoftuan policinë, e cila më pas bëri dërgimin e trupit të pajetë në morg.
Dy viktimat e tjera janë: 53 – vjeçari Leonard Beqiri, i cili është gjetur i pajetë në lagjen 2 të qytetit të Sarandës dhe një 38-vjeçar i pastrehë në Durrës.
