Ministria e Arsimit ka bërë me dije se ditën e nesërme procesi mësimor do të zhvillohet normalisht.
Për shkak të gjendjes së rënduar nga përkeqësimi i motit dhe reshjeve të shumta të rëna gjatë ditës së djeshme, Ministria e Brendshme kërkoi urgjentish pezullimin e mësimit nëpër shkolla, për të garantuar sigurinë dhe jetën e nxënësve dhe mësuesve.
Menjëherë pas kësaj kërkese, MASH, nxori një vendim për pezullim të mësimit në shkolla dhe kopshte, deri në një urdhër të dytë.
Nga sasia e tepërt e reshjeve të shiut, ditën e djeshme, u përbyten disa shkolla në mbarë vendin si dhe në Vlorë dy mësuese mbeten të plagosura pasi u dëmtuan nga një pemë që ra.
