Ministri i Brendshëm, Taulant Balla, ka reaguar pasi rreshjet e shiut kanë përfshirë vendin, duke shkaktuar problematika të herë pas hershme.
Përmes një statusi në rrjetin social “Facebook”, Balla thotë se të gjitha strukturat shtetërore janë në terren për të siguruar kthimin e situatës në normalitet.
Ndër të tjera Balla iu bën thirje drejtuesve të automjeteve që të evitojnë lëvizjet e panevojshme dhe të respektojnë me përpikmëri rregullat e qarkullimit rrugor.
“Pas përkeqësimit të motit, Policia e Shtetit dhe të gjitha strukturat shtetërore janë terren për të siguruar kthimin në normalitet.
Grupet e punës janë në gatishmëri për të garantuar që akset rrugore të jenë të hapura si dhe për të siguruar furnizim me energji elektrike.
Drejtuesit e automjeteve të evitojnë lëvizjet e panevojshme dhe të respektojnë me përpikmëri rregullat e qarkullimit rrugor”-shkruan Balla./Opinion.al
