Në kohën kur i gjithë vendi është përshirë nga reshjet e dendura të shiut të shoqëruara me stuhi herë pas here dhe si pasojë në disa akse rrugore nga veriu në jug ka pasur problem, Autoriteti Rrugor Shqiptar përmes një njoftimi ka bërë me dije gjendjen në akset kombëtare.
Autoriteti Rrugor Shqiptar sqaron: “Si pasojë e shirave të dendura ka pasur rënie gurësh e materialesh në trup të rrugës, si në segmentin Ura e Kranesë-Syri i Kalter, ku u puna me mjete e punëtorë dhe rruga tashmë është e hapur.
Në Elbasan-Qafë Thanë, Berat-Corovodë ka pasur rënie materialesh në trup të rrugës si pasojë e shiut është bërë pastrimi i plotë i rrugës dhe nuk ka probleme me qarkullimin”.
Ndërkohë, ARRSH iu bën apel drejtuesve të mjeteve që të tregohen të kujdesshëm për shkak të lagështisë në rrugë, të reduktojnë shpejtësinë dhe të respektojnë sinjalistikën./Opinion.al
