Reshjet intensive të borës, dhe moti i keq kanë shkaktuar një sërë problemesh, si në lëvizjen e automjeteve dhe njerëzve, ashtu edhe në furnizimin me energji elektrike. Autoriteti Rrugor Shqiptar ka publikuar ditën e sotme rrugët në të cilat automjetet kanë vështirësi në qarkullim.
Qarkullimi bëhet me zinxhir në aksin Qafa e Qarrit Korçë-Ersekë, dhe në Dardhë, ndërsa në veri qarkullohet pa probleme. Rekomandohet përdorimi i zinxhirëve vetëm në kilometrat e fundit të aksit Ura e Cerenecit- Steblevë.
Statusi i plotë:
Në Qarkun Korçë gjate natës reshjet e dëborës u ndërprenë. Temperaturat kanë qenë të ulëta -11 gradë. Kompania e mirëmbajtes ka qenë në punë për pastrimin e rrugës dhe shpërndarjen e kripës.
Qarkullimi bëhet pjesërisht me zinxhir – Qafa e Qarrit Korçë-Ersekë. Kalimi në rrugën e Dardhës bëhet me zinxhir.
Në Veri qarkullohet pa probleme. Rekomandohet përdorimi i zinxhirëve vetëm në km e fundit të aksit Ura e Cerenecit- Steblevë./E.M
