I ftohi siberian ka mbërthyer gadishullin e Ballkanit duke diktuar kushtet e motit edhe në territorin Shqiptar. Për pasojë, kthjellime, vranësira të shpeshta si edhe temperatura ekstremisht të ulëta do të jenë dominante në të gjithë vëndin.
Mesdita dhe orët e pasdites sjellin herë pas here zhvillim të vranësirave në dy ekstremet veri-jug duke gjeneruar reshje të izoluara dëbore.
Një tjetër parametër problemtik do të jetë era, e cila do të fryjë e ftohtë nga verilindja duke bërë që i ftohi të ndjeshe edhe me shumë. Parashikohet që edhe gjatë nates të mbetemi në të njëtat kushte të ftohta atmosferike.
Sipas MeteoAlb, temperaturat e ajrit do të pësojnë rënie të ndjeshme si në vlerat minimale dhe në ato maksimale duke luhatur vlerat ditore nga -7°C më e ulëta deri në 11°C më e larta në rang territori.
