Një pjesë e mirë e SHBA-ve po përballet me një mot ekstrem i cili ka nisur që prej periudhës së Krishtlindjeve. Temperaturat e ulëta dhe stuhitë e fuqishme të dëborës deri tani u kanë marrë jetën 11 personave, ndërsa sinoptikanët paralajmërojnë një stuhi të fuqishme dëbore të cilën e kanë pagëzuar me emrin “cikloni bombastik”.
Në fakt ky term është jo zyrtar dhe është përdorur nga sinoptikanët për të përshkruar situatën e rënduar me të cilën do i duhet të përballet Amerikës edhe për disa ditë të tjera.
“Temperatura ekstremisht të ulëta dhe erëra të rrezikshme priten në vazhdim” – janë shprehur ata. Sipas tyre erërat do të jenë mjaftueshëm të forta sa mund të shkulin pemë dhe mund të shkaktojnë dëme të mëdha materiale. Dita më kritike parashikohet të jetë e premtja, ku pritet edhe “cikloni bombastik”.
