Ditën e sotme, e hënë, paraditja paraqitet në kushtet e motit kryesisht të vranët në të gjithë Shqipërinë. Pas mesditës, vranësira lokale do të zhvillohen në zonat bregdetare dhe pjeserish zonën e ulët duke rrezikuar shira të dobët. Mbrëmja dhe orët e natës, paraqiten kryesisht me vranësira dhe intervale kthjellimesh në zonat qendrore ndërsa vranësira të shpeshta dhe shira te izoluar do të ketë në dy ekstremet veri dhe Jug të Shqipërisë.
Temperaturat e ajrit bien lehtë në mëngjes dhe mesditë duke luhatur vlerat termike ditore nga 9 – 25°C.
Era do të fryjë kryesisht e lehtë paradite dhe pritet të forcohet pasdite duke arritur shpejtësine 45 km/h nga drejtimi Jugperëndimor, për pasojë në brigjet detare do të gjenerohet dallgëzim 3 apo 4 ballë.
E martë, 6 nëntor 2018
Ditën e martë alternime kthjellimesh dhe vranësirash të lehta mbeten dominante deri në mesditë kur vranësirat dendësohen në zonat malore, kryesisht veriore. Parashikohet që pasditja dhe mbrëmja të vijojne me kthjellime dhe vranësira të shpeshta deri në orët e vona të natës kur pritet zhvillim i tyre duke gjeneruar shira në veri-verilindje.
Temperaturat e ajrit do të pësojnë një rënie në të dy vlerat ekstremale të ditës, duke u luhatur nga 7 – 25°C.
Era do fryjë kryesisht e lehte por deri mesatare në mbrëmje në zonat Veriore me shpejtësi 35 km/h nga drejtimi Veriperendimor ndërsa në det vijon dallgëzim 3 ballë. /Meteoalb-Opiniona.l
