Inspektorati Shtetëror Shëndetësor njoftoi se vijon me inspektimet në terren lidhur me zbatimin e protokolleve për mbrojtjen nga COVID-19.
Nga inspektimet janë vendosur 8 masa administrative për subjekte dhe individë të gjetur në shkelje të masave. Prej tyre 5 masa administrative me gjobë: 4 masa në subjektet të cilat janë gjetur në shkelje, duke mos zbatuar protokollet e miratuara, 1 masë administrative ndaj individit për mosmbajtje të maskës në ambiente publike të mbyllura.
Gjithashtu në 24 orët e fundit janë vendosur 3 masa për pezullim aktiviteti në institucione publike. Masat administrative janë vendosur në Berat, Dibër, Shkodër, Tiranë, Vlorë.
Task Forca anti-COVID njofton se në total ka kryer 135.733 kontrolle dhe monitorime gjatë epidemisë dhe janë vendosur 531 masa administrative për subjektet e gjetura në shkelje të protokolleve të sigurisë, miratuar nga Ministria e Shëndetësisë./Opinion.al
