Të paktën katër persona u vranë dhe shumë të tjerë u plagosën sot kur një tub uji i nxehtë shpërtheu në një qendër tregtare në perëndim të Moskës.
Lajmi u bë i ditur nga kryebashkiaku Sergei Sobyanin, i cili theksoi se disa nga të plagosurit kishin pësuar djegie dhe se shërbimet e urgjencës ishin tashmë në vendngjarje.
Fatkeqësia në qendrën tregtare “Stinët” u shkaktua nga plasja e një tubi, tha kryebashkiaku. Sipas mediave lokale, uji i nxehtë përmbyti një pjesë të qendrës tregtare, duke lënë të plagosur të paktën 70 persona dhe duke bllokuar rreth 20 të tjerë.
Kanali Telegram ‘SHOT’ publikoi një video të shkurtër që supozohet se është filmuar në vendngjarje.
Një video tjetër, e publikuar edhe nga ‘SHOT’, tregonte mjekët që trajtonin klientët e plagosur dhe stafin e qendrës tregtare në vendngjarje.
Incidenti preku rrjetin e ujit të ngrohtë të qendrës tregtare.
Arsyeja e saktë e shpërthimit të tubit është aktualisht e paqartë. Shërbimet e urgjencës po punojnë në vendngjarje, tha Sobyanin. Komiteti Hetimor Rus ka nisur një hetim për incidentin vdekjeprurës.
E ndërtuar në vitin 2007, qendra tregtare gjashtëkatëshe zë një sipërfaqe prej 62,000 metrash katrorë dhe pret mbi 150 dyqane dhe butikë./Opinion.al
