Janari i këtij viti është shpallur si më i nxehti në historinë e kryeqytetit rus, teksa ndryshimet klimatike nxisin rritje të temperaturave.
“Temperatura mesatare e regjistruar në Moskë në muajin janar ka qenë rreth zero gradë Celsius”,– ka thënë meteorologia, Lyudmila Parshina.
Ajo është shprehur se temperatura mesatare e janarit ka qenë 9.3 gradë Celsius më e madhe në krahasim me temperaturën mesatare të Moskës.
Megjithatë, ajo nuk ka pranuar të deklarojë nëse rekordi i fundit është i lidhur me ndryshimet klimatike.
Sipas zyrtarëve përgjatë janarit bora në Moskë ka arritur në shtatë centimetra në krahasim me mesataren e cila është 32 centimetra.
E njohur për dimrat tejet të ftohtë, Moska është përballur edhe me dhjetorin më të nxehtë në shekull.
Viti 2019 gjithashtu ka qenë viti më i nxehtë ndonjëherë i regjistruar në Rusi.
