Kryeministri Edi Rama do t’i japë Presidentit Ilir Meta nesër informacione shtesë për Sandër Lleshajn. Sakaq ka vendosur që në të njëjtën ditë t’i drejtohen Gjykatës Kushtetuese, duke i kërkuar që të interpretojë nëse Kreu i Shtetit ka të drejtë të mos dekretoje një ministër.
Kërkesa për intepretimin e Kushtetutës u paralajmërua pak ditë më parë edhe nga vetë Edi Rama, i cili vlerësoi se është e nevojshme që të shmangen precedentët me presidentët e tjerë, pasi, siç tha ai, me Ilir Metën është i bindur se do të kuptohen.
Me dy anëtar, praktikisht Gjykata Kushtetuese është jashtë loje. Pra nuk ekziston! Por kryeministri thotë se nuk e ka me ngut dhe se përgjigjen e pret kur gjykata të jetë funksionale.
Një ditë më parë, Presidenti lajmëroi se po e merr në konsideratë kandidaturën e Sandër Lleshit, që fillimisht nuk e bindi.
