Ditën e sotme Presidenti Meta nuk ka dekretuar ligjin ‘Anti-Shpifje” të miratuar pak javë më parë nga mazhoranca, duke ia kthyer Kuvendit.
Ai e cilësoi këtë ligj si shkelje e lirisë së shtypit. Pas vendimit të tij, përmes një deklarata ka reaguar “Unioni i Gazetarëve” duke e përshëndetur mosdekretimin e ligjit.
“Unioni i Gazetarëve Shqiptarë përshëndet vendimin e Presidentit të Republikës Sh.T. Ilir Meta për kthimin për rishqyrtim në Kuvend të paketës së ashtuquajtur “Anti-shpifje”, e cila u refuzua gjatë nga UGSH, organizatat e tjera të gazetarëve brenda vendit, si dhe nga organizatat më prestigjioze ndërkombëtare. Ky vendim konfirmon drejtësinë e qëndrimit të organizatës sonë në këtë kauzë në mbrojtje të lirisë së shprehjes,”-thuhet në reagimin e “Unionit të Gazetarëve”./Opinion.al/
