Pas disa ditësh me vranësisë, e sotmja ishte plotësisht me diell, madje temperaturat kanë arritur në Tiranë maksimumin prej 25 gradësh. Por mos u gënjeni nga dielli, pasi në fundjavë do të rikthehen retë edhe shirat në disa zona.
Ditën e shtunë deri në mesdite i gjithë territori i vendit do të karakterizohet nga masa ajrore të qëndrueshme duke bërë që kthjellimet të jenë dominuese. Më të theksuara në vijën bregdetare si edhe zonat e ulëta, ndërsa në zonat malore verilindore dhe juglindore do të shfaqen edhe vranësira të shpeshta. Parashikohet që gjatë natës vranësirat të jenë të pranishme në të gjithë vendin.
Ndërsa dita e diel do të karakterizohet nga masa ajrore të ngrohta dhe të lagështa me origjinë oqeanike duke bërë që në vendin tonë të dominojë vranësirat dhe shirat, ku më të dukshme do të jenë në veri – qendër të vendit duke gjeneruar dhe rrebeshe.
