Njësoj si herët e kaluara ka nisur me tensione seanca plenare e kësaj të enjteje. Deputetët e Partisë Demokratike të përjashtuar kanë tentuar të hyjnë në ambientet e Kuvendit dhe janë përplasur me punonjësit e Gardës.
“Hape derën. Tërhiqi çunat se do futemi në mbledhje byroje. Mos prek deputetët me dorë ti ore”, dëgjohet të thotë Vokshi.
Ndërkohë deputeti Luan Baçi dëgjohet të thotë me tone të larta: “Më kape me dorë! Nuk lejohet të kapësh me dorë një deputet.”
Kujtojmë se nga Sekretariati i Etikës janë përjashtuar këtë javë 6 deputetë të Partisë Demorkatike.
Edmond Spaho, Elda Hoti, Sorina Koti, Oerd Bylykbashi, Lindita Metaliaj dhe Greta Bardeli u përjashtuan nga seancat plenare të Kuvendit për shkelje të etikës dhe bllokimin e foltores së Kuvendit.
