Kryeministri i vendit Edi Rama ka çelur një llogari bankare me emrin “MOS KINI FRIKE NGA SHQIPONJA” për të mbledhur donacione që do të shërbejnë për të paguar gjobën e FIFA-s ndaj Granit Xhakës dhe Xherdan Shaqirit, të cilët bënë shqiponjën me duar në ndeshjen Kosovë-Serbi.
“Shenja e duarve shqiponjë është shenja jonë dalluese e komunikimit në raste gëzimi dhe me keqardhje për ata që e keqinterpretuan shenjën e gëzimit krejt spontan nga një moment i bukur sportiv, në Raiffeisen Bank është hapur llogaria MOS KINI FRIKE NGA SHQIPONJA. Kjo llogari u hap falë nxitjes së shumë miqve të këtij rrjeti social nga e gjithë bota, si falenderim e mirënjohje për dy sportistët që ngritën peshë në një gëzim sportiv miliona shqiptarë”, shkruan Rama.
Fushata për të paguar me kontribute vullnetare këto gjoba ka nisur që mbrëmë në fakt ku vetë shqiptarët, në Shqipëri e Kosovë janë organizuar dhe po mbledhin fonde.
Lexo më shumë: DONACIONE PER XHAKEN E SHAQIRIN NGA SHQIPTARET
Më poshtë: Numrat e llogarise te publikuara nga Rama
