Papa Françesku u ka kërkuar njerëzve që të mos “i dorëzohen frikës” ndaj koronavirusit, duke u bërë thirrje të jenë “lajmëtarët e jetës në një kohë vdekjeje”.
Udhëheqësi i Kishës Katolike Romake po fliste në shërbimin e tij të vigjiljes së Pashkëve të shtunën në mbrëmje në Bazilikën pothuajse të zbrazët të Shën Pjetrit. Besimtarët ta mund të ndiqnin atë drejtpërdrejtë online
Papa Françesku kujtoi tregimin biblik të një gruaje që e gjeti varrin e Jezusit bosh në ditën kur të krishterët besojnë se ai u ringjall nga të vdekurit.
“Edhe atëherë, kishte frikë për të ardhmen dhe gjithçka që do të duhej të rindërtohej. Një kujtim i dhimbshëm, një shpresë e shkurtuar. Për ata, si për ne, ishte ora më e errët,” tha ai.
“Mos kini frikë, mos u frikësoni. Ky është mesazhi i shpresës. Ai na drejtohet neve sot,” shtoi ai.
Në shërbimin e tij, të mbajtur normalisht para mijëra besimtarëve, morën pjesë vetëm rreth vetëm pak njerëz. Disa rite tradicionale nuk u kryen gjithashtu, duke përfshirë pagëzimin e të konvertuarve.
“Ne nuk dorëzohemi. Nuk vendosim gur mbi shpresën. ne mund dhe duhet të shpresojnë sepse Zoti nuk na ka lënë vetëm. Gjithçka do të shkojë mirë, e themi me këmbëngulje edhe shpresa më e guximshme mund të avullojë. Por shpresa e Jezusit është e ndryshe. Zoti është më i madh. Vdekja dhe errësira ende nuk e kanë thënë fjalën e fundit.
Varri është vendi ku hyn dhe nuk del dot më por Jezusi ia doli të dalë , ia doli për ne për të sjellë jetë atje ku ka vdekje. Për të filluar një histori të re, atje ku ishte vendosur një gur mbi të”, tha ndër të tjera Papa Françesku. /Opinion.al
