Njerëzit e martuar janë më të lumtur se beqarët. Nëse një person që është i martuar ankohet apo fillon të flasë me nostalgji për jetën prej beqari, mos e merrni seriozisht. Sipas një studimi të fundit njerëzit të cilët kanë një partner për të ndarë çdo gjë janë shumë herë më të lumtur se beqarët. Pavarësisht angazhimeve apo përgjegjësive, në fund të ditës të martuarit janë më të përmbushur dhe nuk vuajnë nga vetmia.
Edhe daljet me shoqërinë personat e martuar i shijojnë edhe më shumë. Gjatë një studimi të realizuar, u vërtetua se beqarët dhe të martuarit kënaqësitë e jetës i ndjejnë në mënyra të ndryshme. Një individ në momentin kur nuk është më vetëm, ka aftësinë të shijojë çdo gjë në maksimumin e saj, qoftë kjo sentimentale, profesionale apo edhe sociale. Kështu herë tjetër mendohuni mirë përpara se të ankoheni te miqtë tuaj beqarë.
