Gratë dhe vajzat zor se ankohen kur ndihen keq apo të sëmura, ndaj kur flitet për dhimbjet e periodave dhe sikletet me të cilat duhet të përballemi gjatë “atyre ditëve” besojeni, nuk ekzagjerojmë aspak. Madje mund të jetë më keq se ç’imagjinohet. Por përveç dhimbjeve dhe vetë faktit që kemi hemorragji për 7 ditë të javës, mund t’i kursejmë vetes të paktën fryrjen?
Rreth 70% e femrave i kanë peiodat të shoqëruara me fryrje. Kjo falë luhatjeve të nivelit të estrogjenit dhe një rënie drastike të progesteronit përpara ciklit. Kur niveli i estrogjenit rritet, trupi ynë ka tendencën të mbajë ujë. Progesteroni nga ana ngadalëson procesin e tretjes. Me pak fjalë asnjëra nuk ndihmon për simptomat e fryrjes. Por lajmi i mirë është që, ndërsa nuk i shmangim dot tërësisht dhimbjet apo hemorragjinë, të paktën mund të shmangim fryrjen.
-
Proteina dhe kalium
Në ato ditë konsumoni ushqime që nuk shkaktojnë fryrje. Frutat dhe perimet si banania, pjepri, domatja apo shpargulli balancojnë më së miri fluidet. Të njëjtën gjë bëjnë edhe salmoni, frutat e thata dhe gjalpi chia. Të gjitha këto ulin nivelin e prostaglandinëve, grupit të hormoneve që shkaktojnë fryrje dhe kontraktojnë muskujt. Ushqimet e pasura në proteina si pula, peshku apo diuretikët natyralë si kastraveci, limoni, hudhra dhe xhinxher gjithashtu ndihmojnë në proces. Këto ushqime ndihmojnë gjatë gjithë kohës, jo vetëm në perioda.
-
Mos konsumoni ushqime që shkaktojnë gazra
Ushqimet që konsumojnë gazra janë ato që organizmi i tret me vështirësi. Këtu bëjnë pjesë lakra, lulelakra, brokoli, bizelet, fasulet etj. Por nëse keni intolerancë ndaj laktozës apo glutenit duhet të shmangni patjetër edhe bylmetërat.
-
Përpiquni të stërviteni
Gjatë këtyre ditëve është e rëndësishme të stërviteni disa minuta në ditë. Në këtë mënyrë shpejtoni metabolizmin dhe largoni fryrjen. Është e kuptueshme që gjëja e fundit që dëshironi të bëni është stërvitja, por do t’ju ndihmojë jashtëzakonisht.
-
Hiqni dorë nga kafeina dhe alkooli (për momentin)
E kuptojmë, mendoni se ju ndihmojnë të lehtësoni dhimbjet. Ajo që nuk dini është se alkooli është përgjegjës për dhimbjen e gjinjve, ndryshimit të humorit dhe fryrjes së barkut. Kafeja ju dehidraton dhe ngadalëson procesin e tretjes. Nëse hiqni dorë nga këto zakone ditët para periodave do të ndiheni më mirë gjatë hemorragjisë.
-
Mos konsumoni pije me gaz dhe sheqer të shtuar
Fillimisht do t’ju bëjnë të ndiheni më mirë por do t’ju fryjnë më shumë se përpara. Vazhdoni me ujin dhe ndoshta miksojeni me mente dhe limon, ose çaj.
-
Flini gjumë
Duket e pamundur për shkak të dhimbjeve po gjumi është koha e vetme kur trupi juaj mund të eleminojë ujin e mbajtur. Përpiquni të flini 8 orë gjatë natës.
-
Gatuani në shtëpi më shpesh
Askush nuk do të gatuajë në ato ditë, por kështu mund të shmangni ingredientët e fshehur të cilët ju fryjnë. Kur gatuani vetë, fryrja do të ulet menjëherë.
-
Mos e teproni me fibra
Nëse ndiheni keq, mos mendoni që është ide e mirë ta teproni me fruta dhe perime. Kjo taktikë mund t’ju kthehet mbrapsht. Është ide e mirë të jenë pjesë e dietës por nëse i konsumoni në masë gjatë përiodave do t’ju shkaktohet një fryrje e shpejtë sepse trupi nuk është mësuar me sasi kaq të madhe fibrash./E.Lika/Opinion.al
