Bëjmë jetojmë një jetë jashtëzakonisht dinamike, të udhëhequr nga nevoja për të qenë produktiv, të kompletuar dhe gjithmonë duke ecur përpara
Por çfarë do të kishte ndodhur nëse vendosim të pushojmë? Shumica prej nesh shqetësohemi vetëm nëse e mendojmë një gjë të tillë – me frikën që mbesim prapa, ngadalësohemi apo edhe dështojmë.
Sidoqoftë një gjë e tillë, në të vërtetë mund të na ndihmojë që të kthehemi edhe më në formë dhe më të fuqishëm se asnjëherë më parë. Edhe ata që zakonisht bëjnë pushime nuk ia dalin të largohen krejtësisht nga jeta profesionale.
Kjo sepse kudo që shkojmë marrim me vete telefonat celularë dhe llaptopët, dhe u përgjigjemi mesazheve elektronike dhe aranzhojmë takime nga larg. Sipas një studimi të ri nga firma konsultuese “Radstad”, 42 përqind e punëtorëve kanë raportuar se ndihen të obliguar të kontrollojnë emailet gjatë kohës sa janë në pushime, madje 26 përqind e tyre thonë se ndihen edhe fajtorë që e shfrytëzojnë gjithë kohën e tyre të pushimeve.
Kështu që sugjerimet janë që kur të kemi kohën e pushimeve ta ndalim televizorin, telefonin dhe t’i shmangemi cilësdo mundësi që t’i ekspozohemi stresit të punës. Nuk është e thënë të uleni e të meditoni kur jeni në pushime- thjeshtë bëni çfarëdo që ju bën të ndiheni të relaksuar.
