Duke folur në Parlament, kreu i PD, Lulzim Basha iu përgjigj në distancë ambasadorit amerikan, i cili në një tryezë me Ramën tha se presim arrestimin e Balilit, duke thënë troç se ky është dështim i qeverisë, policisë e prokurorisë. Sipas Lu janë bërë përpjekje për të luftuar krimin në vend, por sërish peshqit e mëdhenj nuk kanë rënë në rrjetë.
Në përgjigje të tij, Lulzim Basha pa i përmendur emrin Donald Lu, por që u nënkuptua qartë deklaroi:
“Mos gënjeni veten tuaj zotërinj ambasadorë se shqiptarët nuk gënjehen më! Peshqit e mëdhenj janë në krahun tuaj në çdo pritje zyrtare dhe në podium e qeverisë këtu në parlament.
Edi Rama zgjodhi krimin dhe jo Shqipërinë sepse ai nuk ka më liri për të zgjedhur. Ai nuk është thejsht një politikan i korruptuar dhe inkriminuar: ai është një politikan i kapur dhe kontrolluar krejtësisht nga krimi”.
