Një lopë ka tërhequr simpatinë e të gjithë globit, sepse është shtrirur sikur flen, vetëm për të mos u ngritur herët.
Doris, pjesë e një tufe prej 200 lopësh në një fermë në Isle of Wight, është shfaqur në një edicion lajmesh në SHBA dhe ka tërhequr më shumë se 1.5 milion shikime në TikTok.
Videoja e publikuar në rrjetin social TikTok, tregon fermerin John Brodie që përpiqet të zgjojë nga ‘gjumi I shtirur’ njërën nga lopët e fermës së tij, e quajtur Doris, për ta nxjerrë jashtë në natyrë.
Brodie tha se pamjet treguan se si Doris ishte “më shumë person se lopë”. Video u xhirua nga i zoti i fermës, me arsyen që tja tregonte gruas së tij.
Kjo ndryshoi kur DJ i radios ‘One Greg’, James prezantoi videon në emisionin e tij të mëngjesit, ku me mijëra qytetarë shprehën simpatinë për hezitimin e Doris për t’u ngritur shumë herët.
“Unë identifikohem si Doris,” tha një person duke komentuar.
Në një intervistë për CNN, gruaja e të zotit të fermës Brodie, tha se Doris kishte gjithmonë një tendencë për të qenë “e veçantë” nga tufa.
“Është vërtet befasuese”,tha zoti Brodie. Ai thekson se e pëlqen lidhjen që ka krijuar me Dorisin, e cila sipas tij është një lopë miqësore.
Për Brodien, Doris është më shumë person se sa lopë.
“Doris ka një personalitet fantastik – ajo është padyshim më shumë person se lopë”, shtoi ai./Opinion.al
