Arrestohet një 23-vjeçar në Tiranë, pasi kërcënoi një shtetas me thikë dhe më pas i mori me dhunë celularin.
Sipas uniformave blu, dyshohet se 53-vjeçari që ka denoncuar rastin, është takuar me shtetasin A. T., te Brryli, pasi kishin komunikuar në rrjetet sociale, dhe më pas 23-vjeçari e ka kërcënuar me thikë, e ka dërguar atë në një banesë private, në zonën e Ali Demit, ku më pas i ka marrë me dhunë celularin.
Në pranga ka rënë shtetasi A. T., 23 vjeç, banues në Tiranë, ndërkohë që i janë sekuestruar 2 aparate celulare dhe 1 thikë.
“Shërbimet e Komisariatit të Policisë Nr. 1, pas kallëzimit nga një 53-vjeçar, për një shtetas që i kishte hequr lirinë duke e kanosur me thikë dhe i kishte marrë me dhunë celularin, kanë organizuar dhe finalizuar operacionin policor të koduar “Brryli”, për zbardhjen e këtij rasti.
Si rezultat i operacionit u arrestua në flagrancë shtetasi A. T., 23 vjeç, banues në Tiranë.
Nga veprimet hetimore dyshohet se 53-vjeçari është takuar me shtetasin A. T., te Brryli, pasi kishin komunikuar në rrjetet sociale, dhe më pas shtetasi A. T., duke e kanosur me mjet prerës (thikë), e ka dërguar atë në një banesë private, në zonën e Ali Demit, ku më pas i ka marrë me dhunë aparatin cellular.
Në cilësinë e provës materiale u sekuestruan 2 aparate celulare dhe 1 mjet prerës (thikë)”, tha policia.
Materialet proceduale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./Opinion.al
