Gjykata e Krimeve të Rënda ka vendosur rreth orës 15:00 masën e sigurisë “arrest me burg” për gjyqtarin Ibrahim Hoxha.
Gjyqtari i Gjykatës së Tiranës do të qëndrojë për 30 ditë në qelitë e paraburgimit dhe më pas do të merret një tjetër masë ndaj tij në bazë të dosjes që prokuroria do të dërgojë në Gjykatë.
E njëjta masë sigurie është marrë edhe ndaj tre të arrestuarve të tjerë gjatë ditës. Kështu, në burg për 30 ditë do të mbeten edhe Ledjon Hoxha, i biri i gjyqtarit, biznesmeni Dritan Jazexhiu si dhe Nevruz Gajde, i cili shërbente si sekser, me njohje të vjetra me gjyqtarin.
Ata u arrestuan në flagrancë teksa po shkëmbenin rreth 6 milionë lekë të vjetra, shumë e cila do t’i jepet gjyqtarit për të favorizuar biznesmenin në një padi civile për çështje pronash.
